៤ចំណុច ​ដែល​ស្ត្រី​កំពុង​បំបៅ​ដោះ​កូនគួរ​ធ្វើ


   ក្នុងអំឡុងពេល​ពរពោះ និង​សំរាល​កូន​ ស្ត្រី​ត្រូវ​ញ៉ាំអាហារ​បំប៉ន​ជាច្រើន​ដើម្បី​ចិញ្ចឹម​រាង​កាយ​ខ្លួន​ផ្ទាល់ និង​ជា​ពិសេស​គឺដើម្បី​ចិញ្ចឹម​សារពាង្គ​កាយថ្មី​ (កូន) ។
   ហេតុ​ដូច​នេះហើយ​ស្ត្រី​ដែល​ទើប​សំរាល​កូន​ហើយ​ គួរ​មាន​ការ​យល់​ដឹង​ក្នុង​ការ​បំបោះ​ដោះ​កូន​ ។ ទឹក​ដោះម្តាយ គឺ​ជាអាហារ​ដ៏​ពិសិដ្ឋ​សំរាប់​កូន​របស់​ពួកគេ ។ ស្ត្រី​កំពុង​បំបៅ​ដោះ​កូន​គួរ​យល់​ដឹង​ និង​អនុវត្ត​តាម​៤​ចំនុច​ដូច​ខាង​ក្រោម ៖ 

បំ​បៅ​កូន​ដោយ​ទឹក​ដោះ ក្នុង​រយៈ​ពេល​១ម៉ោង​ដំបូង​ក្រោយ​បង្កើត
   ទឹក​ដោះ​ម្តាយ​ជា​អាហារ​ដ៏មាន​តំលៃបំផុត ។ ក្នុង​ទឹក​ដោះ​ដំបូង (ទឹកដោះ​ដែល​កើត​ឡើង​ក្រោយសំរាល​ភ្លាមៗ) មាន​ផ្ទុក​សារធាតុ​ប្រយុទ្ធប្រឆាំង​នឹងជំងឺ IgA ដែល​អាច​ជួយ​អោយ​កុមារ​មាន​សុខភាពល្អ ប្រឆាំង​នឹងជំងឺ និង​ការពារ​រាងកាយ​កុមារបាន​យ៉ាង​ល្អ ។ 

បំបៅ​កូន​ដោយ​ទឹក​ដោះមួយមុខគត់ នៅ​ពេល​កូន​មាន​អាយុ​ក្រោម​៦ខែ
   ទាក់​ទង​នឹង​ការ​បំបៅកូន​ដោយ​ទឹក​ដោះ នៅ​ពេល​កូន​មាន​អាយុ​ក្រោម​៦ខែ ក្រោយ​សំរាល​ មាន​ការ​ផ្សាយ​តាម​រយៈ​កញ្ចក់​ទូរទស្សន៍​យ៉ាង​ច្រើន​កន្លង​មកហើយ​ ។ សំរាប់​កុមារ​ក្រោម​៦ខែ ប្រព័ន្ធ​រំលាយ​អាហារ​នៅ​មិនទាន់​មាន​ការ​រីកលូតលាស់​បាន​ពេញ​លក្ខណៈនោះទេ ។ ហេតុ​នេះហើយ​ ប្រសិន​បើ​កុមារ​ញ៉ាំអាហារ​ (បាយ នំចំនី...) ផ្សេង​ក្រៅ​ពីបៅទឹក​ដោះ នឹង​ធ្វើ​អោយ​កុមារ​ពិបាកក្នុង​ការរំលាយ ។ 

បន្ត​បំបៅ​ទឹក​ដោះដល់​កុមារ រហូត​ដល់​កុមារ​មាន​អាយុ​ ១៨ទៅ២៤ខែ
   កុមារ​មិន​គួរ​ផ្តាច់​ទឹក​ដោះ នៅ​អាយុ​ក្រោម​១២ខែ​នោះទេ ។ ទោះ​ជា​បរិមាណ​ទឹក​ដោះ​មាន​ចំនួន​តិច​ក៏​ដោយ​ ក៏ទឹក​ដោះ​ម្តាយ​នៅតែជា​អាហារ​បំប៉ន​របស់​កុមារ​ដែល​សំបូរ​ទៅដោយសារជាតិ​ចិញ្ចឹម និង​សារ​ធាតុ​ប្រឆាំង​មេរោគសំខាន់​នានា ។ យើង​គួរ​តែ​បន្ត​បំបៅកូន​ដោយ​ទឹក​ដោះ​រហូត​ដល់ កុមារ​មាន​អាយុ​ ពី១៨ទៅ២៤ខែ ។ ក្រោយ​អាយុ​២៤ខែ ទើប​កុមារ​អាច​ញ៉ាំ​អាហារ​ជា​ប្រភេទម្សៅ​បាន ដូច​ជាកិន​បាយ​ជាដើម ។

ស្ត្រីជាម្តាយ​គួរ​តែ​យកចិត្តទុកដាក់​លើ​របបអាហារ ការសំរាក និងធ្វើការអោយ​បានល្អ
   ស្ត្រី​កូនខ្ចី តែង​តែមានការ​នឿយ​ហត់​ព្រោះ​កូន​តូច​របស់​ពួកគេ ។ តែទោះជា​យ៉ាងណា ស្ត្រី​កូន​ខ្ចីទាំងឡាយ​មិន​គួរ​ធ្វេសប្រហែស​អំពីសុខភាព​របស់ខ្លួន​នោះទេ ។ ស្ត្រី​កូន​ខ្ចី និង​សមាជិក​គ្រួសារ​ដទៃ​ទៀត គួរ​យក​ចិត្ត​ដាក់​លើ​របបអាហារ​ ការ​សំរាក និងរយៈពេល​ធ្វើ​ការ​របស់​ខ្លួន ដើម្បី​ធានា​អោយ​បាន​នូវ​ទឹក​ដោះគ្រប់​គ្រាន់​សំរាប់​ចិញ្ចឹមកូន និង​រយៈពេល​បំបៅ តាម​តំរូវការ​របស់​កូន ។ 

Post a Comment

Previous Post Next Post