ភ្លា​ក្តាម​សមុទ្រ


ភ្លាក្តាមសមុទ្រ


គ្រឿងផ្សំ
- ក្តាម​សេះ ឬ​ក្តាមថ្ម (​តាមចំណូលចិត្ត)
- ខ្ទឹម​ស ខ្ទឹម​ក្រហម (ហាន់ជា​បន្ទះ​ស្តើងៗ)
- ទឹកត្រី​ អំបិល ស្ករស ម្សៅ​ស៊ុប ប៊ីចេង
- ម្ទេស ក្រូច​ឆ្មារ (ត្រូវ​ការ​ច្រើន)
- ជីរ​បន្លា ជីរអង្កាម

វិធីធ្វើ
- ក្តាម​បក​ស្នូក​ចេញ លាង​ទឹក​អោយ​ស្អាត កាត់ជា​ដុំ​តូច​ៗល្ម រួច​យក​មក​ដាក់​ក្នុង​ចាន​ស្អាត​មួយ​ហើយ​ដាក់​ទឹក​ក្រូច​ឆ្មារ ម្ទេស ខ្ទឹម​ស និង​ម្សៅ​ស៊ុប​បន្តិច កូរ​អោយ​សព្វ ទុក​ប្រហែល​ ១០​នាទី ដើម្បី​អោយ​វា​ឆ្អិន​សាច់​ និង​កាត់ជាតិ​ឆ្អាប​របស់​ក្តាម​បាន​ល្អ 
- បន្ទាប់​មក​យក​ចាន​ថ្មី​មួយ​ទៀត ដាក់​ទឹក​ក្រូច​ឆ្មារ ម្ទេស​ខ្ទឹម​ស (​ដែល​នៅ​សល់) ខ្ទឹម​ក្រហម ខ្ទឹម​បារាំង ទឹក​ត្រី​ អំបិល ម្សៅ​ស៊ុប ស្ករស និង​ប៊ីចេង បន្ថែម​រសជាតិ​បន្តិច ហើយ​កូរ​ចូល​គ្នា​អោយ​សព្វ រួច​ភ្លក់​មើល​អោយ​ល្មម​តាម​ការ​ចូលចិត្ត 
- រួច​យក​មក​ចាក់​ពី​លើ​ក្តាម​ (​អាច​ក្រឡុក​ដូច​យើង​ក្រឡុក​ព្រីង​ជាមួយ​អំបិល រឹតតែ​ល្អ ដើម្បី​អោយ​វាចូល​សព្វ​ជាតិ​ល្អ ) បើ​ចូលជាតិ​អស់​ហើយ​ បន្ថែម​ជីរ​បន្លា ជីរ​អង្កាម ច្របល់​ចូលគ្នាម្តង​ទៀត រួ​ចជាការស្រេច

មុខ​ម្ហូប​នេះ​ត្រូវ​ការ​ប្រើ​ម្ទេស​ និង​ក្រូចឆ្មារអោយ​ច្រើន​ ទើប​កាត់ជាតិ​ឆ្អាប និង​អោយ​ឆ្អិន​សាច់​ក្តាម​ល្អ

ប្រភព Housewife OnlineShop
Previous
Next Post »
0 Komentar