វត្តរតនបុប្ផារាម ហៅវត្តសាមប្រាំ ស្ថិតក្នុងភូមិ៣៥ ឃុំព្រែកកក់ ស្រុកស្ទឹងត្រង់ ខេត្តកំពង់ចាម មានចម្ងាយប្រមាណ ១៨គ.ម ពីសាលាស្រុកស្ទឹងត្រង់ និងចម្ងាយប្រមាណ ៥០.៥ គ.ម ពីសាលាខេត្តកំពង់ចាម ។
 |
| វត្តសាមប្រាំ |
ដើម្បីទៅកាន់វត្តរតនបុប្ផារាម អ្នកត្រូវធ្វើដំណើរតាមបណ្តោយផ្លូវមាត់ទន្លេ ឆ្លងកាត់ទីរួមស្រុកស្ទឹងត្រង់ បឹងកេត រួចបន្តដំណើរដល់ផ្លូវកែង៧០ និងបត់ឆ្វេង ប្រមាណ ៣គ.ម អ្នកនឹងឃើញវត្តសាមប្រាំនៅខាងឆ្វេងដៃ ។
 |
| ព្រះវិហារ សាលាឆាន់ចាស់ សាលាឆាន់ថ្មី និងកុដិព្រះសង្ឃ |
ចូលតាមខ្លោងទ្វារមួយនៅខាងជើងវត្ត អ្នកនឹងទៅដល់វត្តដែលមានច្រកចូល២ ខាងកើត និងខាងជើង ដែលខ្លោងទ្វារខាងជើងជាខ្លោងទ្វារចាស់ សម្រាប់ម៉ូតូចេញចូល ឯខ្លោងទ្វារខាងកើតជាងខ្លោងទ្វារថ្មី អាចអោយរថយន្តចេញចូលបាន ។ ព្រះវិហារនៅចំច្រកចូលខាងកើត នៅខាងជើងព្រះវិហារមានសាលាឆាន់ចំណាស់មួយ និងក្រោយសាលាឆាន់ចាស់ មានអាគារសាលាឆាន់ថ្មី ធ្វើអំពីថ្ម(មិនទាន់សាងសង់រួច) ។ នៅខាងត្បូងឈៀងខាងលិច មានអាគារកុដិព្រះសង្ឃ ។ នៅបរិវេណវត្ត មានដើមឈើធំៗជាច្រើន ពណ៌ខៀវខ្ចី ។ ចំណែកនៅជុំវិញវត្តត្រូវបាន ម្ចាស់ក្រុមហ៊ុនវិនិយោគ កាប់ដើមកៅស៊ូចេញ រៀបចំដាំដើមចេកវិញ ។
 |
| ច្រកចូលខាងកើត |
 |
| វត្តសាមប្រាំ និងចំការចេក |
វត្តសាមប្រាំជាវត្តស្ថិតនៅកណ្តាលចំការចេក ក្រោយពីក្រុមហ៊ុនឡុងស្រេង បានមកវិនិយោគដីរដ្ឋ ដោយឈូសឆាយដីដែលមានប្រជាជនរស់នៅចេញ បន្សល់ទុកវត្តនេះ នៅកណ្តោចកណ្តែង កណ្តាលវាល ។
 |
| ប្លង់វត្តសាមប្រាំ មើលពីលើ |
 |
| ព្រះវិហារ |
អ្នកអាចនាំយកទេយវត្ថុតាមសទ្ធាដើម្បីទៅវេរប្រគេនព្រះសង្ឃដែលគង់នៅវត្ត ដោយសារតែវត្តលែងមានពុទ្ធបរិស័ទចំណុះជើងវត្តហើយ មានតែញាតិជិតឆ្ងាយ មកធ្វើបុណ្យប្រគេនចង្ហាន់ព្រះសង្ឃប៉ុណ្ណោះ ។
ប្រវត្តិឈ្មោះ វត្តសាមប្រាំ
វត្តសាមប្រាំ លើផែនទី
Post a Comment