គ្រោះថ្នាក់ចរាចរណ៍សម្លាប់មនុស្ស៣នាក់ នៅក្រុងពោធិ៍សាត់

ក្រុងពោធិ៍សាត់ ខេត្តពោធិ៍សាត់ ៖ គ្រោះថ្នាក់ចរាចរណ៍ដ៏រន្ធត់មួយ ដែលមិនគួរកើតឡើងសោះ បានកើតឡើងនៅខាងកើតស្ពានថ្ម ស្ទឹងពោធិ៍សាត់ ។

គ្រោះថ្នាក់ចរាចរណ៍នោះ កើតឡើងនៅវេលា ម៉ោង ២១ និង ៣០នាទីរំលងអាធ្រាត្រ ថ្ងៃទី ១៣ ខែតុលា ឆ្នាំ២០១៦ នៅភូមិស្ពានថ្ម សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់ ។ ជនបង្កហេតុបានជិះរថយន្តបាឡែន ស្លាកលេខ ភ្នំពេញ 2W 8415 ឈ្មោះ យាន សុធារិទ្ធ (ហៅជឿន) ក្នុងស្ថានភាពស្រវឹង (ជាតិអាកុល ០.៥០ ក្នុង១លីត្រខ្យល់) រេចង្កូត បុករះទៅលើគ្រួសារមួយដែលមានជីវភាពក្រីក្រ បណ្តាលអោយស្លាប់រហូតដល់ទៅ៣នាក់ រួមមាន

១. ស៊ុម សំអាង ប្រុស ៣១ឆ្នាំ

២. លី បញ្ញា ស្រី ៣១ឆ្នាំ ត្រូវជាបងថ្លៃ

៣. កុមារី សំអាង ភាអ៊ីង ស្រី ៩ខែ

អ្នកទាំង៣នាក់ត្រូវជាកូន កូនប្រសារ ចៅរបស់លោក ស៊ូ ប៊ុនលី ជាមេភូមិស្ពានថ្មនេះតែម្តង តែដោយជីវភាពក្រីក្រ ទើបបងប្អូនមកប៉ះកង់ លក់សាំងគ្រឿងកំប៉ុងបន្តិចបន្តួច ដើម្បីចិញ្ចឹមជីវិត តែបែរជាជួបគ្រោះថ្នាក់បែបនេះ ។