ជម្ងឺ​មហារីក​ដៃ​ស្បូន


ជំងឺមហារីកដៃស្បូន


ជា​ជម្ងឺ​មហារីក​កើត​លើ​ដៃ​ស្បូន​របស់​ស្ត្រី ។ ជម្ងឺ​នេះ​ឈរ​ជួរ​ទី ៧​ នៃ​ជម្ងឺ​មហារីក​ទាំង​អស់​របស់​ស្ត្រី ។ ៣/៤ ​នៃ​ជម្ងឺ​នេះ ត្រូវ​បាន​​ធ្វើ​រោគ​វិនិច្ឆ័យ​យឺត​យ៉ាវ ហើយ​ភាគ​ច្រើន​ស្ថិត​ក្នុង​ដំណាក់​កាល​ចុង​ក្រោយ ។


+ កត្តា​ប្រឈម និង​មូល​ហេតុ​បណ្តាល​អោយ​កើត​ជម្ងឺមហារីក​ដៃ​ស្បូន​លើ​ស្ត្រី 
- បញ្ហា​ហ្សែន ១/១០ នៃ​មហារីក​ដៃ​ស្បូន​បណ្តាល​មក​ពី​កត្តា​ហ្សែន​គ្រួសារ​ 
- បញ្ហា​ទាក់​ទង​នឹងស្ត្រី អត់​មាន​កូន មក​រដូវ​នៅ​វ័យ​ក្មេង​ពេក និ​ងអស់​រដូវ​នៅ​វ័យ​ចាស់ពេក
- ស្ត្រី​មាន​អាយុ​លើស​ពី​ ៥០​ឆ្នាំ
- មាន​ប្រវត្តិ​បាញ់​កាំ​រស្មី​នៅ​តំបន់​ពោះ រឺ​អាង​ត្រគាក


+ រោគ​សញ្ញា
- នៅ​ដំណាក់​កាល​ដំបូង យើង​អាច​រក​ឃើញ​ដោយចៃ​ដន្យ​នៅ​ពេល​ពិនិត្យ​សុខផាព
- ឈឺ​រឺ​ក៏ធ្ងន់​ៗ នៅ​តំបន់​ត្រគាក
- ពោះ​ឡើង​ធំ ស្ទាបប៉ះ​ដុំ​សាច់
- ធ្លាក់ឈាម រឺ​ធ្លាក់​ទឹក​ថ្លាៗ តាម​ទ្វារ​មាស
- រាង​កាយ​ទ្រុឌ​ទ្រោម អស់​កម្លាំង​ ល្ហិត​ល្ហៃ និង​ស្លេក​ស្លាំង
- រោគ​សញ្ញា​ផ្សេងៗទៀត​ដូច​ជា ហត់ ឈឺ​ទ្រូង ហើម​ជើង ស្ទះ​ខ្យល់ ទល់​លាមក ពិបាក​បត់​ជើង​តូច 


+ ការធ្វើរោគវិនិច្ឆ័យជំងឺ
- អេកូពោះ
- ស្កេនពោះ
- មើល​ឈាម CA 125, CA 19.9, ACE, AFP, LDH  
- អ្វីដែល​សំខាន់​បំផុត​ គឺ​ការ​យក​ដុំ​សាច់​ទៅវិភាគ​ដោយ​មីក្រូទស្សន៍ តាមរយៈ​ការវះកាត់​យក​ដុំ​សាច់​នោះទៅ​មើល រឺ​ច្រឹប​សាច់​នៅ​កន្លែង​ដែល​មហារីក​រាលដាល រឺ​ក្នុង​ករណី​មាន​ទឹក​ក្នុង​ស្រោម​ពោះ យើ​ងអាច​បូម​ទឹក​នោះ ទៅវិភាគ​រក​កោសិកា​មហារីក

+ ការព្យាបាល (ធ្វើតាម​ដំណាក់​កាល​នៃជំងឺ)
- ការវះកាត់
- ការចាក់ថ្នាំគីមី


ប្រភព Page Calmette Hospital 
Previous
Next Post »
0 Komentar