ភ្នំពេញ ៖ លោកសាស្ត្រាចារ្យ លូ លីឃាង ប្រធានមន្ទីរពេទ្យព្រះអង្គឌួង បានប្រាប់នៅព្រឹកថ្ងៃទី ០៨ តុលា ២០១៦
ថាមន្ទីរពេទ្យព្រះអង្គឌួង សូមប្រកាសជាសាធារណៈថា នឹងដឹកសពប្រជាពលរដ្ឋរងគ្រោះ ពីមន្ទីរពេទ្យព្រះអង្គឌួង ទៅទូទាំង ២៥ខេត្តក្រុង ដោយមិនគិតកំរៃ និងមិនផ្លាស់ប្តូររថយន្តដឹកសពនោះទេ ពោលគឺដឹកសពទៅដល់ទីតម្កល់តែម្តងទោះស្ថិតនៅទីតាំងណាក៏ដោយ ។
លោកសាស្ត្រាចារ្យ បន្តថា ពិសេសមន្ទីរពេទ្យព្រះអង្គឌួង បានដឹកជញ្ជួនជនរងគ្រោះថ្នាក់ចរាចរណ៍ មិនដែលយកកម្រៃដូចគ្នាដែលនេះជាកិច្ចឆ្លើយតបនឹង សេចក្តីប្រកាសរបស់ក្រសួងសុខាភិបាល ដែលដឹកនាំដោយលោករដ្ឋមន្ត្រី ម៉ម ប៊ុនហេង ថាគ្រប់មន្ទីរពេទ្យរដ្ឋទាំងអស់រាល់ការដឹកជញ្ជូនជនរងគ្រោះថ្នាក់ចរាចរណ៍ និងដឹកសពប្រជាពលរដ្ឋ មិនត្រូវយកថ្លៃសេវាឡើយកាលពីកន្លងទៅនេះ ។
លោកសាស្ត្រាចារ្យបន្ថែមថា ខាងមន្ទីរពេទ្យអង្គឌួង បានអនុវត្តន៍ទៅតាមការស្នើសុំ ក៏ដូចជាសេចក្តីជូនដំណឹងរបស់ក្រសួងបាន១០០ភាគរយ ព្រោះមន្ទីរពេទ្យមួយនេះ ដឹកសពរហូតមកនេះ មិនដែលគិតថ្លៃសេវានោះឡើយ ។
ប្រភព Freshnewasia
Post a Comment