ប្រទេសណាក៏ដូចប្រទេសណាដែរ នៅទូទាំងពិភពលោក បញ្ហាចោរកម្មគឺជារឿងជៀសមិនផុត។ ដូចនេះយើងគួរមិនវិធានការការពារខ្លួន។
១. ចោរមិនមែនចេះតែចូលលួចគ្រប់ផ្ទះទេ វាមើលឱកាសល្អ និងផ្ទះណាដែលងាយចេញចូលមិនឲ្យគេដឹង ឬម្ចាស់ផ្ទះមិននៅ។ ករណីនេះដើម្បីការពារខ្លួនម្ចាស់ផ្ទះគួរធ្វើយ៉ាងណាឲ្យមើលទៅផ្ទះ នេះពិបាកចូល ឬធ្វើដូចជាមានមនុស្សនៅផ្ទះ (ករណីដែលខ្លួនមិននៅផ្ទះ) ដូចជាពេលយប់អាចបើកវិទ្យុឬទូរទស្សន៍ចោលធ្វើដូចជាមានមនុស្ស សន្ទនាគ្នា។
២. ចោរមិនដែលចង់ប្រឈមមុខនឹងម្ចាស់ផ្ទះទេ។ ដូច្នេះពេលយប់ម្ចាស់ផ្ទះគួរបើកភ្លើងខាងក្រៅផ្ទះឲ្យភ្លឺ ចិញ្ចឹមឆ្កែដើម្បីកំលាចចោរនិងផ្តល់ដំណឹងដល់ម្ចាស់ ឬប្រើសំលេងរោទិ៍..។ល។ ដើម្បីកុំឲ្យចោរមានចិត្តចង់ចូលលួច។
៣. បិទទ្វាបង្អួចឲ្យបានជិតទាំងអស់ ជាពិសេសជាន់ខាងលើ ដែលម្ចាស់ភាគច្រើនតែងប្រហេសមិនចាក់សោរ ចោរអាចលួចចូលតាមនោះបាន។
៤. ចូរប្រយ័ត្នដើមឈើ ឬសួននៅជុំវិញផ្ទះ វាអាចជាកន្លែងសម្រាប់ចោរលាក់ខ្លួនបាន គួរជៀសវាងដើមឈើខ្ពស់បាំងទ្វាបង្អួច។
៥. ចោរមួយចំនួនច្រើនឆ្លៀតឱកាសចូលលួចនៅថ្ងៃបុណ្យទាន ថ្ងៃឈប់សំរាក..។ល។ ម្ចាស់ផ្ទះគួរបង្កើនភាពប្រុងប្រយ័ត្នក្នុងករណីនេះ។
៦. ការបំពាក់កាមេរ៉ាសុវត្ថិភាព ក៏អាចធ្វើឲ្យចោរខ្លាចរអាមួយចំណែកដែរ។
Post a Comment