ស្រុក​ស្ទឹង​ត្រង់ ខេត្ត​កំពង់ចាម

សាលា​ស្រុក​ស្ទឹង​ត្រង់​ (Google Map)

   ស្រុក​ស្ទឹង​ត្រង់​ជា​ស្រុក​មួយ​នៃ​ខេត្ត​កំពង់ចាម ស្ថិត​នៅ​ប៉ែក​ខាង​ជើងក្រុង​កំពង់ចាម​
សាលា​ស្រុកស្ទឹងត្រង់ ថតនៅ​ឆ្នាំ២០១៧

សាលាស្រុក​ស្ទឹងត្រង់​ ស្ថិត​ក្នុង​ភូមិព្រែកបារាំង​​ ឃុំ​ព្រែក​កក់​ ។
+ ព្រំប្រទល់
- ខាង​កើត​ ជាប់​នឹង​ស្រុក​ឆ្លូង​នៃ​ខេត្តក្រចេះ និងស្រុក​ក្រូចឆ្មារ​នៃ​ខេត្ត​ត្បូង​ឃ្មុំ
- ខាង​លិច​ ជាប់​នឹងស្រុក​ចំការ​លើនៃខេត្ត​កំពង់ចាម និង​​ស្រុក​បារាយណ៍​​នៃខេត្ត​កំពង់ធំ
- ខាង​ជើង​ ជាប់​នឹង​ស្រុក​សន្ទុកនៃខេត្ត​កំពង់​ធំ និង​ស្រុក​ព្រែក​ប្រសព្វ​នៃខេត្ត​ក្រចេះ
- ខាង​ត្បូង​ ជាប់​នឹង​ស្រុក​កំពង់សៀម​នៃ​ខេត្ត​កំពង់ចាម

ថ្នាក់​ដឹក​នាំ​ស្រុក​ស្ទឹង​ត្រង់ មាន​ ៖
- រដ្ឋបាល​ស្រុក មានថ្នាក់​ដឹក​នាំ​អភិបាល​ស្រុក​១រូប និង​អភិបាល​រងស្រុក​៥រូប
  • ​លោក​ ទុន​ ណេត​ ជា​អភិបាល​នៃ​គណៈ​អភិបាល​ស្រុក
  • លោក​ វន វី ជា​អភិបាល​រង​នៃ​គណៈ​អភិបាល​ស្រុក
  • លោក​ ជៀម​ វុត្ថា ជា​អភិបាល​រង​នៃគណៈ​អភិបាល​ស្រុក
  • លោក​ បាន​ ស្រេង ជា​អភិបាល​រង​នៃ​គណៈ​អភិបាល​ស្រុក
  • លោក​ស្រី ជា​អភិបាល​រង​នៃគណៈ​អភិបាល​ស្រុក
   ស្រុក​ស្ទឹង​ត្រង់​​ ត្រូវ​បាន​បែង​ចែកជា ១២ ឃុំ និង ៩៦ភូមិ រួម​មាន ៖
១. ឃុំអារក្ស​ត្នោត (៥ភូមិ) អារក្សត្នោត, ល្វា, គីឡូ​៧, គីឡូ​១០, បែក​អន្លូង
២. ឃុំដងក្តារ (១០ភូមិ) សន្ទិច​កើត, សន្ទិច​លិច, សន្ទិច​កណ្តាល, ជ្រៃ​ហាយ, ស្រែ​រំដួល, តា​រៀម, ស្តៅ​, អូរពីរ, ថ្មី, ហុង​ប្រមា​
៣. ឃុំ​អូរម្លូ (១៣ភូមិ) ខ្ទួយ​មួយ, ខ្ទួយ​ពីរ, ខ្ទួយ​បី, ខ្ទួយ​បួន, ស្តង់​សាខា​, អូរ​ព្រលួញ, អូរ​កាប់​មាន់, អូរប្ញស្សី, អូរ​តាសេក, សំរោង, ប្រទង, បិតធ្នូ, ស្ពង់​សាខាចាស់
៤. ឃុំ​ខ្ពប​តាងួន (៦ភូមិ) អូរ​រុន, អន្លង់​សំលី, ព្រែក​ទក, ខ្ពប​តាងួន, ឈើទើ, វាល​បំពង់
៥. ឃុំ​មេសរ​ជ្រៃ (៥ភូមិ) អូរលើ, ក្បាលអូ, បោះពួយ, អូរបេង, ត្រពាំង​ឈូក
៦. ឃុំ​ពាម​កោះស្នា (៩ភូមិ) ពាមក្រៅ, ពាមក្នុង, ដីលើ, ទួល​រកា, ដីដុះ, ព្រែក​សង្កែកើត, ព្រែ​កសង្កែ​លិច, កោះ​កណ្តាល, ស្រែ​សង្កែ
៧. ឃុំ​ព្រះអណ្តូង (៣ភូមិ) ព្រែក​ស្តី, ព្រះអណ្តូងមួយ, ព្រះអណ្តូងពីរ
៨. ឃុំ​ព្រែក​បាក់​ (៤ភូមិ) ព្រែកបាក់, ព្រែកកក់, ព្រែក​រលួស, ព្រែក​ព្រះអង្គ
៩. ឃុំ​ព្រែក​កក់ (២៥ភូមិ) អណ្តូង​ពេជ្រ, មាឃ​មួយ, មាឃ​ពីរ, ត្នោត​តាសាយ, បឹង​កាចូត, អូរ​ប្រាំពីរ, ទួលពោធិ៍, ព្រះ, ភ្នំមន្ទីរ, ព្រែក​បារាំង, បឹងដែង, ភ្នំអំពិល, បឹងកេតលើ, បឹងកេត​ក្រោម, ហា​ប្រាំមួយ, ចេក​ជ្វា, អូរចេក, គីឡូ៣, សាមប្រាំ, ចិតសិប, អូរប្រាំ, មាឃ​បី, អណ្តូង​ស្វាយ
១០. ឃុំ​សូភាស​ (៧ភូមិ) សូភាស, អង្គោល, ស្រព, ប៉ាប្រាក់, សំបួរ, ដីក្រហម, ពុំទួល
១១. ឃុំទួល​ព្រះ (៧ភូមិ) ធំ, ថ្មី, តាមោង, វត្ត, ដូនត, សំពាំងក្រោម, សំពាំង​លើ
១២. ឃុំ​ទួល​សំបួរ (៤ភូមិ) ទួលសំបួរ, ពោន, ស្រែអំពៅ, វាលព្រះ

ប្រ​ជា​ជន​នៅ​ស្រុក​ស្ទឹង​ត្រង់​ភាគ​ច្រើន​ប្រកប​របរ​ចំការ​ ដំណាំ​ ជា​ពិសេស​គឺ ចំកា​រកៅស៊ូ ស្វាយ​ចន្ទី ដំឡូង​មី សណ្តែកសៀង ។ ក្រៅ​ពី​របរ​ចំការ​ដំណាំ ប្រជាជន​ក៏​លក់​ដូរ​ឥវ៉ាន់​បន្តិច​បន្តួច រឺ​ក៏​ធ្វើ​ជា​កម្មករ​ជំរះ​ស្មៅ ដាំ​ដំឡូង​ ដើម្បី​រក​ប្រាក់​ផ្គត់​ផ្គង់​ជីវភាព ។ 

+ ចំងាយ​ប្រមាណ​ ៣៣ គីឡូម៉ែត្រ​ពី​ទីរួម​ខេត្ត​កំពង់ចាម ជិះ​តាម​ផ្លូវ​ជាតិ​លេខ ២២២ តាម​បណ្តោយ​មាត់​ទន្លេ
+ រមណីយដ្ឋាន
ឃុំអារក្សត្នោត
- នាគ​ខ្មៅ (ភូមិបែកអន្លូង)
ឃុំ​ព្រែក​បាក់
- ​ប្ញស្សី​ហាន់​ជ័យ (ភូមិ​ព្រែក​ព្រះអង្គ)
ឃុំព្រែកកក់
- ទំនប់អូរសោម (ភូមិ​ភ្នំអំពិល)

​ស្រុក​ស្ទឹង​ត្រង់​នេះ​ក៏​ជា​ទឹក​ដី​កំណើត​របស់​នាយក​រដ្ឋ​មន្ត្រី​ ហ៊ុន​ សែន​ ដែល​លោក​កើត​នៅ​ក្នុង​ឃុំពាម​កោះ​ស្នា នៅថ្ងៃ​អង្គារ​ ទី៥ ខែ​មេសា ឆ្នាំ ១៩៥២ ។ លោក​ជា​ប្រធាន​គណ​បក្ស​ប្រជាជន​កម្ពុជា និង​ជា​នាយក​រដ្ឋ​មន្ត្រី​នៃ​ព្រះ​រាជា​ណា​ចក្រ​កម្ពុជា​ នីតិកាល​ទី​៦ ។

ប្រភព ៖ khetkrongofcambodia, វីគីភីឌា អង់គ្លេស

Post a Comment

Previous Post Next Post