វេជ្ជបណ្ឌិតនៅ​អាមេរិច​ម្នាក់​វះកាត់​ច្រលំ​តំរង​នោម​អ្នក​ជំងឺ


​វេជ្ជ​បណ្ឌិត​វះ​កាត់​ម្នាក់​នៅ​មន្ទីរ​ពេទ្យ​មួយ​ក្នុង​រដ្ឋ Massachusetts សហ​រដ្ឋ​អាមេរិច បាន​កាត់​ច្រលំ​តំរង​នោម​មួយ​របស់​អ្នក​ជំងឺ​ដែល​មាន​ឈ្មោះ​ដូច​គ្នា​នឹង​អ្នក​ជំងឺ​មាន​ដុំសាច់​ ។
បណ្តា​​ក្រុម​​ស៊ើប​អង្កេត បាន​រក​ឃើញ​ថា​វេជ្ជ​បណ្ឌិត​ម្នាក់​នៅ​ក្នុង​មន្ទីរ​ពេទ្យ St.Vincent នៅ​ Worcester មិន​បាន​ធ្វើ​ការ​កំណត់​អោយ​បាន​ជាក់​លាក់​នៅ​ឯកសារ​អ្នក​ជំងឺ​មុន​នឹង​ធ្វើ​អោយ​មាន​កំហុស​ ទៅ​លើ​អ្នក​ជំងឺ​កាល​ពី​ខែ​កក្ក​ដា​កន្លង​ទៅ ។

កា​សែត​ Boston Globe បាន​អោយ​ដឹងថា​ វេជ្ជបណ្ឌិត​រូប​នេះ បាន​ធ្វើ​ការ​ថត CT មុន​នឹង​ធ្វើ​ការ​វះកាត់ ហើយ​លទ្ធផល​បាន​បញ្ជាក់​ថា​មាន​ដុំ​នៅ​លើ​តំរង​នោម ។ ក៏​ប៉ុន្តែ​លទ្ធផល​នោះ​ជា​របស់​អ្នក​ជំងឺ​ផ្សេង​ម្នាក់​ទៀត ។ កា​សែត​បាន​បន្ត​ទៀត​ថា ការ​ច្រលំ​នេះ​មិន​ត្រូវ​បាន​ដឹង​រហូត​ដល់​ពេល​ធ្វើ​ការ​វះ​កាត់​​ច្រលំ​តំរង​នោម​អ្នក​ជំងឺ ។ 

អ្នក​ទទួល​បន្ទុក​របស់​មន្ទីរ​ពេទ្យ​មិន​បាន​ប្រព្រឹត្តិ​ទៅ​តាម​ជំហាន​នៃ​ការ​កំណត់​អោយ​ជាក់​លាក់​នូវ​អ្នក​ជំងឺ​ លើ​សំបុត្រ​កំណើត អត្ត​សញ្ញាណ​ប័ណ្ណ ទោះ​ជា​មាន​ការ​ជាន់​ឈ្មោះ របស់​អ្នក​ជំងឺ​ទាំង​២​ក៏ដោយ ។

មន្ទីរ​ពេទ្យ St.Vincent បាន​ប្រកាស​ថា ​ការ​ដោះ​ស្រាយ​រវាង​ខាង Medicare និង អាជ្ញាធរ​បាន​បញ្ចប់​ដក​ការ​ចំណាយ​មន្ទីរ​ពេទ្យ ដើម្បី​សម្រួល​បញ្ហា​នេះសិន ។ 

ប្រភព Vietnamnet.vn

Post a Comment

Previous Post Next Post