ម្លប់ស្នាយស្រីឈូក ជាសួនមួយ ស្ថិតក្នុងភូមិស្រឡៅ ឃុំអំពិល ស្រុកកំពង់សៀម ខេត្តកំពង់ចាម មានចម្ងាយប្រមាណ ៤គ.ម ពីសាលាស្រុកកំពង់សៀម និងចម្ងាយប្រមាណ ៦.៣គ.ម ពីសាលាខេត្តកំពង់ចាម ។ សួននេះស្ថិតនៅភាគអាគ្នេយ៍ភ្នំស្រី ។
ដើម្បីទៅដល់ម្លប់ស្នាយស្រីឈូក អ្នកអាចធ្វើដំណើរតាមផ្លូវជាតិលេខ៧ទិសដៅ ទៅកាន់រាជធានីភ្នំពេញ ដល់ស្ថានីយ៍ប្រេងឥន្ធនៈសូគីម៉ិច បត់ស្តាំ រួចបន្តដំណើរ ១,៤០០ម៉ែត្រ រួចបត់ឆ្វេង និងឃើញស្លាកសួនកម្សាន្តម្លប់ស្នាយស្រីឈូកនៅខាងស្តាំដៃ រួចបត់ស្តាំ ។
ពេលទៅដល់ម្លប់ស្នាយស្រីឈូក អ្នកអាចលេងកម្សាន្តជាមួយសេវាកម្មជាច្រើន មានដូចជា ៖
- អាហារដ្ឋាន អ្នកអាចញាំអាហារជាលក្ខណៈគ្រួសារ រឺដៃគូបាន ដោយមានជាតូបជាច្រើន សង់តាមជម្រាលទួល ខ្លះសង់ពីដែក ខ្លះសង់ពីឈើប្រក់ស្បូវ មានបែបផែនច្រើនសណ្ឋាន ។ អាហារនៅសួននេះ មានតម្លៃសមរម្យ និងសេវាល្អ ។
- ជិះទាទឹក អ្នកអាចកម្សាន្តដោយជិះទាទឹក នៅក្នុងស្រះនៅសួននេះ បានដោយចំណាយតែ១ដុល្លា ក្នុងរយៈពេល១ម៉ោង ។ អ្នកអាចជិះមើលទេសភាពជុំវិញ តាមមាត់ស្រះ មានរុក្ខជាតិ ដើមឈើហូបផ្លែជាច្រើន ពណ៌ខៀវគួរគយគន់ ។
- ការច្រៀងលេងកម្សាន្ត អ្នកអាចស្តាប់ការច្រៀងពីសំណាក់តារាចម្រៀងប្រចាំរមណីយដ្ឋាន រឺអាចច្រៀងដោយខ្លួនឯងបាន ។
- ការជិះសេះថតរូប អ្នកអាចឡើងជិះសេះ ក្នុងសម្លៀកបំពាក់ឈុតជិះសេះ រួចធ្វើការថតរូបលេងកម្សាន្តបាន ។
- ស្លៀកពាក់សម្លៀកបំពាក់ជនជាតិ អ្នកអាចថតរូបក្នុងសម្លៀកបំពាក់ជនជាតិ តាមទីតាំងនានាក្នុងសួន រឺក្នុងសួនផ្កាបាន ជាមួយផ្កាជាច្រើនប្រភេទ ច្រើនពណ៌ចម្រុះគ្នា
 |
| តូបសម្រាប់បរិភោគអាហារ |
 |
| ទាទឹកសម្រាប់ជិះលេងកម្សាន្ត |
 |
| ដេកអង្រឹងចាក់បាស់លេង |
 |
| សេះសម្រាប់ជិះថតលេង |
សួនម្លប់ស្នាយស្រីឈូក ត្រូវបានបង្កើតឡើងនៅឆ្នាំ២០១៩ និងបានដាក់អោយដំណើរការសាកល្បងនៅថ្ងៃទី៣ ខែធ្នូ ឆ្នាំ២០១៩ ។ បន្តបន្ទាប់មក ម្ចាស់រមណីយដ្ឋានក៏បានបង្កើតកន្លែងលេងផ្សេងៗជាច្រើន ដាំរុក្ខជាតិចម្រុះ តាមផ្លូវ និងជុំវិញស្រះ ។
ប្រវត្តិឈ្មោះ សួនម្លប់ស្នាយស្រីឈូក
តាមម្ចាស់រមណីយដ្ឋាននេះបានអោយដឹងថា នៅទីនោះមានត្រពាំងឈូក ពីដើមមក ហើយដូនតាគាត់ក៏បានទិញដីនៅកន្លែងនោះ យូរមកហើយ ។ ពីដំបូងឡើយ មិនបានធ្វើអ្វីនោះទេ ដោយដីនោះ គ្រាន់តែទុកសម្រាប់ឃ្វាលគោ ។ លុះក្រោយមក គាត់បានកែច្នៃជាសួនកម្សាន្តបន្តិចៗម្តងៗ ។ ដោយហេតុថានៅទីនោះ មានដើមស្នាយដុះឯកឯង ជាច្រើន គាត់ក៏សម្រេចថាដាក់ឈ្មោះសួន ថា សួនម្លប់ស្នាយស្រីឈូក តែម្តង ។
Post a Comment