ការ​ធ្លាក់​ឈាម​ក្រោយ​សម្រាល​


យើង​​សង្កេត​ឃើញ​ថា​ នៅ​ក្នុង​ប្រទេស​កំពុង​អភិវឌ្ឍន៍​ មូល​ហេតុ​ចំបង​ដែល​ធ្វើ​អោយ​ស្ត្រី​ជា​ម្តាយ​ស្លាប់​ជុំ​វិញ​ការ​បង្ក​កំណើត​គឺ​ការ​ធ្លាក់​ឈាម​ក្រោយ​សម្រាល​ដែល​មាន​អត្រា​ពី​ចន្លោះ ១៦-២៥% ។ 
អត្ថ​បទ​នេះ​ស្តី​អំពីអ្វី​ទៅជា​ការ​ធ្លាក់​ឈមា​ក្រោយ​សម្រាល​ ហើយ​មាន​វិធានការណ៍ និង​ការព្យាបាល​យ៉ាងដូច​ម្តេច ?

+ អ្វី​ទៅជា​ការ​ធ្លាក់​ឈាម​ក្រោយ​សម្រាល ?
រាល់​កា​បាត់​បង់​ឈាម​ដែល​មាន​បរិមាណ​ចាប់ពី ៥០០ មីលីលីត្រ ឡើង​ទៅ នោះគេ​ហៅថា​ការ​ធ្លាក់​ឈាម​ក្រោយ​សម្រាល ហើយ​បើ​ការ​បាត់​បង់​ឈាម​ចាប់​ពី ១០០០ មីលីលីត្រ​ នោះគេ​ហៅ​ថា​ការធ្លាក់ឈាម​កម្រិត​ធ្ងន់​ធ្ងរ ។


ការ​ធ្លាក់​ឈាមក្រោយ​សម្រាល​ គេបែង​ចែកជា ២​ប្រភេទ ៖
- ការ​ធ្លាក់​ឈាម​ក្រោយ​សម្រាល​ភ្លាមៗ ជា​ការ​បាត់​បង់​ឈាម​ដែល​មាន​បរិមាណ​ចាប់ពី ៥០០ មីលីលីត្រ ឡើង​ទៅ​ក្នុង​អំឡុង​ពេល ២៤ម៉ោង​ក្រោយ​សម្រាល ។
- កា​រធ្លាក់​ឈាម​ក្រោយ​សម្រាល​អូស​បន្លាយ ជា​ការ​បាត់​បង់​ឈាម​ដែល​មាន​បរិមាណ​ចាប់​ពី​ ៥០០ មីលីលីត្រ ក្នុង​រយៈ​ពេល​លើស​ពី ២៤ម៉ោង​រហូត​ ដល់៦សប្តាហ៍ ។


ចំណាំ ៖ ចំពោះ​ស្ត្រី​ដែល​មាន​ភាព​ស្លេក​ស្លាំង​ នៅ​ពេល​មាន​ផ្ទៃពោះគ្រប់​ខែ ទោះជា​ការ​បាត់​បង់​ឈាម​តិចជាង ៥០០ មីលីលីត្រ​ ក៏​អាច​ប៉ះ​ពាល់​ដល់​អាយុ​ជីវិត​ផងដែរ ។ 




+ មូល​ហេតុ​នៃ​ការ​ធ្លាក់​ឈាម​ក្រោយ​សម្រាល ?
- ស្បូន​ទន់ ឬ​ខ្សោយ​នូវ​ការ​កន្ត្រាក់​រួម​មក​វិញក្រោយ​សម្រាល
- ការ​ដាច់​រហែក​នៅ​តំបន់​ទ្វារ​មាស តំបន់​មាត់ស្បូន​ ឬ​តំបន់ប៉េរីណេ 
- ការ​នៅ​សល់​សុក ឬ​កម្ទេច​សុក​នៅ​ក្នុង​ស្បូន 
-  វិបត្តិ​កំនកឈាម


+ កត្តា​ប្រឈម 
កត្តា​បណ្តាល​មក​ពី​ស្បូន​រីក​ធំក្នុង​អំឡុង​ពេល​មានផ្ទៃពោះ ដូចជា​ករណី ៖ 
- កូន​ថ្លោស 
- កូន​ភ្លោះ 
- ទឹក​ភ្លោះ​ច្រើន 
ស្ត្រី​ធ្លាប់​សម្រាល​កូន​ច្រើន​ដង
ស្ត្រី​ធាត់​ពេក​ពេល​មានផ្ទៃពោះ
ស្ត្រី​ធ្លាប់​មាន​ប្រវត្តិ​ដូចជា ឈឺពោះយូរ សម្រាល​បុត្រលឿន​ពេក ស្ត្រី​ធ្លាប់​មាន​ការធ្លាក់​ឈាម​ក្រោយ​សម្រាល
ស្ត្រីមាន​សុកពាំង​មាត់ស្បូន មាន​ដុំ​ឈាម​កក​នៅ​ពី​ក្រោយ​សុក មាន​ដុំសាច់​នៅនឹងស្បូន
ស្ត្រីមាន​ភាព​ស្លេក​ស្លាំង​ក្នុង​ពេល​មានផ្ទៃពោះ 
កត្តា​ប្រឈម​មកពី​ការប្រើ​ប្រាស់​ថ្នាំ​មួយ​ចំនួន
- Inhibiteur Calcique
- Anticoagulants
កត្តាប្រឈមមក​ពី​វិបត្តិ​កំនក​ឈាមពី​កំណើត


+ ផល​វិបាកដែល​ស្ត្រីអាច​ជួប
- ការ​ព្យាបាល​ដោយ​ប្រើ​ប្រាស់​ថ្នាំ​ជាមួយ​ និង​ការសង្កត់​សសៃ​ឈាម​អាអក
- ការស្វែង​រក​នៅ​កន្លែង​ដែល​រហែក​រួច ដេរ​ឡើង​វិញ
- ការ​ព្យាបាល​ដោយ​ចង​សសៃឈាម និង​ចងស្បូន​ផ្អិប​ជាប់​គ្នា
- ការព្យាបាល​ដោយ​កាត់​ស្បូន
- ការ​ព្យាបាល​ដោយ​បាញ់​ផ្ចិត​សសៃ​ឈាម​អាក​ទែរ

+ អនុសាសន៍​របស់​ក្រុម​មន្ទីរពេទ្យ​កាល់​ម៉ែត
- ស្ត្រី​គួរ​មក​ពិនិត្យ​ផ្ទៃពោះ អោយ​បាន​ទៀង​ទាត់​តាម​ការ​កាត់​របស់​គ្រូពេទ្យ ដើម្បី​អោយ​គ្រូ​ពេទ្យ​ស្វែង​រក​កត្តា​ប្រឈម​មួយ​ចំនួន​ដែល​ស្ត្រី​មាន​នៅ​អំឡុង​ពេល​មានផ្ទៃ​ពោះ 
- ស្ត្រី​គួរ​ញាំជាតិ​ដែល​អោយ​បាន​តិច​បំផុត ៩០គ្រាប់​ ចំពោះ​ស្ត្រី​ដែល​គ្មាន​ភាព​ស្លេក​ស្លាំង​ពី​មុន
- ស្ត្រី​មិន​ត្រូវ​អោយឡើង​ទម្ងន់​ខ្លួន​ខ្លាំង​ពេកទេ នៅ​ពេល​មានផ្ទៃពោះ​រហូត​ដល់​ពេល​គ្រប់​ខែ ជា​ធម្មតា​ស្ត្រី​គួរ​តែ​ឡើង​ទម្ងន់​ ១២គីឡូក្រាម​នៅពេល​គ្រប់​ខែ ។
- ស្ត្រីគួរមក​សម្រាល​បុត្រ​នៅ​កន្លែង​ណា​ដែល​មាន​គ្រប់ជំនាញ និង​សម្ភារៈចំពោះ​ស្ត្រី​ដែល​គ្រូ​ពេទ្យ​រកឃើញ​ថា​គាត់​មាន​កត្តា​ប្រឈម​នៅ​ពេល​មានផ្ទៃពោះ 

ប្រភព Page Calmette Hospital
Previous
Next Post »
0 Komentar