សាច់​ជ្រូក​ផាត់


សាច់​ជ្រូក​ផាត់ ហៅតាម​ចិន​ថា ផាក​ឡូវ (សាច់​ខ) ឬ បាក់​យ៉ុង (សាច់​លីងស្ងួត)

វិធី​ធ្វើ​
- ដាំ​ទឹក​មួយ​ឆ្នាំង​អោយ​ពុះ
- យក​សាច់​ជ្រូក​ សាច់​សុទ្ធ (ពុំ​មាន​ខ្លាញ់ ឬ​ស្បែក) ទៅ​លាង​ទឹក​អោយ​ស្អាត កាត់ជាបន្ទះៗ ហើយ​ដាក់​ស្រុះ​នៅ​ក្នុង​ទឹកពុះ​នោះ
- ស្រង់​សាច់​ជ្រូក​ចុះ​ លាង​ទឹក​ត្រជាក់​អោយ​ស្អាត​ ហើយ​កាត់​ចេញ​ជា​ដុំ​តូច​ៗ ប៉ុន​មេដៃ​ រួច​យក​ទុក​មួយ​អន្លើ
- ដាក់​ស្ករស ឬ​ស្ករ​ត្នោត រំងាស់​អោយ​ឡើង​ក្រហម ចេញ​ឡើង​អង្ក្រង ទើប​ចាក់​ទឹក​ត្រី អំបិល​ ប៉ូច​កាក់​២ទៅ​៣មើម និង​ម្រេច​បុក​ចូល​ កូរ​អោយ​សព្វ
- ចាក់​សាច់​ជ្រូក​ឆ្អិន​នោះ​ចូល កូរ​អោយ​សព្វ​ចូល​ជាមួយ​គ្រឿង​ហើយ ទើប​ចាក់​ទឹក​ចូល រំងាស់​អោយ​ផុយ​សាច់ ហើយ​ស្ងួត​ទឹក​ខ អស់​ពី​បាតឆ្នាំង ។ បើ​សាច់​នៅ​រឹង​ មិន​ទាន់​ផុយ សូម​ថែម​ទឹក​រំងាស់​បន្ថែម​ទៀត ។ សូម​ភ្លក់​ថែម​ថយ​គ្រឿង​ តាម​ចំណូល​ចិត្ត 
- នៅ​ពេល​ខ​ផុយ​សាច់​ហើយ សូម​ស្រង់​សាច់​ជ្រូក​ដែល​នៅ​ក្នុង ខ​ស្ងួត​ហើយ​នោះ យក​ទៅ​បុក​អោយ​ម៉ដ្ឋខៃ 
- យក​សាច់​ជ្រូក​ខ ដែល​បុក​បាន​ហើយ ទៅ​រំលីង​ម្តង​ទៀត នៅ​ក្នុង​ខ្ទះ​ ក្នុង​កំដៅ​ក្តៅ​ឧណ្ណៗ ប្រហែល​ ១៥០-២០០F រហូត​ដល់​ស្ងួត​ទឹក​អស់ ទើប​ដួស​ច្រក​កែវ​ ចំហ​មាត់ អោយ​សាច់​ជ្រូក​បុក ចុះ​ត្រជាក់​សិន ទើប​គ្រប​ទុក
- សាច់​ជ្រូក​បុក​ អាច​ធ្វើ​ជាអាហារ​បរិភោគ​លេង ពេល​អផ្សុក ។ ជួន​កាល​គេ​អាច​ដាក់​ជា​ស្នូល​នំប៉័ង​ សម្រាប់​ខ្ចប់​យក​ទៅ​កន្លែង​ធ្វើ​ការ​សម្រាប់​បរិភោគ​ពេល​ព្រឹក ឬ​ថ្ងៃ​ត្រង់​ជា​ដើម ។


ប្រភព ៖ អ្នក​ស្រី​ កែវ ច័ន្ទ​បូរណ៍
Previous
Next Post »
0 Komentar